१९६६ पासून कार्यरत

म. वि. प.ला मदत म्हणजे विज्ञानशिक्षणाला मदत, जीवनसमृद्धीला मदत

परिणाम

देणगीमुळे झालेले चांगले परिणाम

विज्ञानक्षेत्रातील महत्त्वपूर्ण कामास पारितोषिके, पुरस्कार

मविप पत्रिकेमार्फत सोप्या मराठी भाषेत विज्ञान, तंत्रज्ञान

वैज्ञानिक संकल्पना समजाव्यात यासाठी कृतीशील उपक्रम

परिषदेची मुंबईत स्वतःची वास्तू; तिथून विज्ञानप्रसार

समाजात विज्ञान प्रसार, प्रचाराचे काम मोठ्या जोमाने पुढे नेण्यासाठी परिषदेची आज स्वतःची विज्ञान भवन ही ६२४ चौ.मी.ची मुंबईत एक मजली वास्तू आहे. दानशूर व्यक्तींच्या देणगींमुळे विज्ञानतंत्रज्ञान क्षेत्रात मोलाचे योगदान देणाऱ्या व्यक्तींस १५+ विविध पुरस्कार देऊन गौरविण्यात येते. महाराष्ट्रात ग्रामीण पातळीवरील शाळांमध्ये शनिवारी विज्ञानवारी उपक्रमात कृतीसत्रांच्या आणि महाविद्यालयीन विद्यार्थ्यांच्या माध्यमातून वर्षभर विज्ञान समजावून सांगितले जाते. हे सारे देणगींमुळेच संभव आहे.

उद्देश

मराठी विज्ञान परिषद खालील उद्देश साध्य करू पहाते

विज्ञानतंत्रज्ञानाची नवीन क्षितिजे शोधून ती समाजात रुजवणे

तरूणांमध्ये, विद्यार्थांमध्ये विज्ञानाविषयी आकर्षण निर्माण करणे

संशोधनात रुची निर्माण करण्यासाठी कार्यशाळा अन् ई-परिक्षा घेणे

विज्ञानाचा प्रसार मराठी भाषेतून करताना भाषाही समृद्ध करणे

डोनेशन

तुम्ही दिलेल्या देणगीचा वापर

कोणत्याही सामाजिक, अशासकीय आणि ना-नफा तत्त्वावर चालणाऱ्या संस्थेला मिळणाऱ्या देणगींवर तिच्या कार्याची व्याप्ती ठरते, तिच्याकडे असणाऱ्या संसाधनांची परिणामकारकता ठरते आणि तिच्या कार्यातून कार्यकर्त्यांची फौज निर्माण होते. दैनंदिन कामकाजासाठी राखीव निधी, विविध विज्ञान उपक्रमांसाठी प्रकल्प निधी, विशेष उपक्रमांसाठी इतर निधी आणि विज्ञानभवनाच्या विस्तारासाठी इमारत निधी; असे विविध देणगीचे प्रकार आहेत.

देणगी विनियोगासाठी परिषदेकडे सुमारे ७५+ उपक्रम आहेत. विज्ञानात उच्चशिक्षण घेणाऱ्यांसाठी शिष्यवृत्ति तसेच विज्ञान संशोधन, लघुउद्योजक, अभियांत्रिकी संशोधन, विज्ञान - तंत्रज्ञान, कृषि विज्ञान असे विविध पुरस्कार परिषद देत असते. याबरोबरच विज्ञान एकांकिका, विज्ञान रंजन कथा, विज्ञान निबंध अशा विविध स्पर्धाही घेतल्या जातात. समाजोपयोगी तंत्रज्ञान निर्मितीसाठी पीएच्.डी. विद्यार्थ्यांमार्फत संशोधन प्रकल्प राबविले जातात.

सर्वसाधारण वर्गासाठी विविध व्याख्याने, प्रकाशने, प्रशिक्षण वर्ग यांबरोबरच शालेय विद्यार्थ्यांसाठी जवळपास ३०+ उपक्रम राबविले जातात. दिव्यांग विद्यार्थ्यांसाठी ब्रेलमधून आजवर ३९ पुस्तके प्रकाशीत केली आहेत. विज्ञानमेळा, प्रयोग शिबीरे, विज्ञान अनुभूती, आनंददायी विज्ञान, विज्ञानखेळणी, बालवैज्ञानिक संमेलने, वेध २०३५ ऑनलाईन विज्ञान परिक्षा, पौगंडावस्थेतील मुलामुलींस लैंगिक शिक्षण असे अनेक कार्यक्रम केले जातात. या सर्वांसाठी संसाधनांची निर्मितीदेखिल आवश्यक असते; परिषद या साऱ्या गोष्टी करीत असते.

योगदान

मराठी विज्ञान परिषदेचे योगदान

अखिल भारतीय मराठी विज्ञान अधिवेशन

विज्ञान प्रसारासाठी महाराष्ट्रातल्या गावोगावच्या सामान्य जनतेपर्यंत पोहचण्यादृष्टीने स्थापनेच्या पाहिल्या वर्षापासूनच परिषदेने वार्षिक अधिवेशनाचे आयोजन करण्यास सुरुवात केली. स्थापनेपासून दरवर्षी अखंडपणे महाराष्ट्रातल्या वेगवेगळ्या गावांत, शहरात अधिवेशनाचे आयोजन केले. मराठी बोलणार्‍या वैज्ञानिकांनी व समाजसेवकांनी अधिवेशनाचे अध्यक्षपद भूषवले आहे.

स्पर्धा, पारितोषिक, पुरस्कार / मविप पत्रिका मासिक

परिषदेच्या ध्येयधोरणांना पुरक ठरतील अशा विविध क्षेत्र, वयोगटातील लोकांसाठी स्पर्धा, पारितोषिक, पुरस्कार योजना परिषदेने सुरू केल्या आहेत. सोप्या मराठीत विज्ञान सांगणारे मविपचे पत्रिका मासिक गेली ५०+ वर्षे आणि लोकसत्तामधून गेली १५ वर्षे कुतुहल सदर अविरत प्रकाशीत होत आहे.

छोटे अभ्यासक्रम

विज्ञानप्रेमींची मागणी लक्षात घेऊन गच्चीवरील शेती, पक्षी निरिक्षण ओळख, घरातील स्थापत्य कामे, फुलपाखरांची ओळख, संकल्पना विकसन, विज्ञान अनुभूती यांसारख्या कमी कालावधीच्या अभ्यासक्रमांची योजना परिषदेने केली आहे. यातून सहभागींना त्या विषयाची आवड निर्माण होऊन नवीन अभ्यासक तयार व्हावे, हे लक्ष्य आहे.

मुरली चुगानी संदर्भ ग्रंथालय / सुभाष म्हसकर सीडी संग्रहालय

विज्ञानविषयक ५०००+ दुर्मिळ ग्रंथ असलेले संदर्भालय आणि ६००+ विज्ञानविषयक सीडींचे संग्रहालय, विविध विज्ञान खेळणी, विज्ञानशिक्षणासाठी आवश्यक प्रतिकृती आदिंचे वस्तुसंग्रहालय मविपकडे आहे. ४५००+ विज्ञानविषयक लेख, २००+ विज्ञानकथा आणखीही बरेच काही!

संस्थेचे कार्य

आतापर्यंत १५,००,००० विद्यार्थ्यांना मदत झाली आहे.

खालील मान्यवरांचे योगदान आणि आशीर्वादामुळे हे शक्य झाले...

management person

प्रा. जयंत नारळीकर

management person

डॉ. अनिल काकोडकर

management person

श्री. प्रभाकर देवधर

management person

डॉ. विजय केळकर

management person

श्री. प्रमोद लेले

management person

श्रीमती अचला जोशी

management person

डॉ. विजया वाड

management person

प्रा. ज्येष्ठराज जोशी