वेध २०३५ ऑनलाईन विज्ञान परीक्षा

वेध २०३५ ऑनलाईन विज्ञान परीक्षा (शालेय)चे स्वरुप

• प्रथमा परीक्षा– लहान गटासाठी – इयत्ता ६वी-७वीमध्ये शिकणाऱ्या विद्यार्थ्यांसाठी आणि 
  द्वितीया परीक्षा– मोठ्या गटासाठी – इयत्ता ८वी-९वीमध्ये शिकत असणाऱ्या विद्यार्थ्यांसाठी आहे, ते प्रथमा परीक्षासुद्धा देऊ शकतात; त्यासाठी स्वतंत्र अर्ज भरावा लागेल. मात्र, अशा विद्यार्थ्यांचा पारितोषिकासाठी विचार केला जाणार नाही.
• एकूण ८ आठवड्यांच्या कालावधीत नोंदणी केलेल्या विद्यार्थ्यांना – दोन आठवड्यांचा एक टप्पा याप्रमाणे – चार टप्प्यात अभ्यास-सामग्र
  अधिक माहिती
  ×

  • प्रथमा परीक्षा– लहान गटासाठी – इयत्ता ६वी-७वीमध्ये शिकणाऱ्या विद्यार्थ्यांसाठी आणि 
    द्वितीया परीक्षा– मोठ्या गटासाठी – इयत्ता ८वी-९वीमध्ये शिकत असणाऱ्या विद्यार्थ्यांसाठी आहे, ते प्रथमा परीक्षासुद्धा देऊ शकतात; त्यासाठी स्वतंत्र अर्ज भरावा लागेल. मात्र, अशा विद्यार्थ्यांचा पारितोषिकासाठी विचार केला जाणार नाही.
  • एकूण ८ आठवड्यांच्या कालावधीत नोंदणी केलेल्या विद्यार्थ्यांना – दोन आठवड्यांचा एक टप्पा याप्रमाणे – चार टप्प्यात अभ्यास-सामग्री संकेतस्थळावर दिली जाणार आहे.
  • विषयवार पीडीएफ् स्वरुपातील मजकूर, काही व्हिडिओ व्याख्याने, व्हिडिओ प्रयोग, काही कोडी, काही विज्ञान-खेळ अशा प्रकारची ही अभ्यास-सामग्री असणार आहे.
  • पहिल्या टप्प्याच्या शेवटच्या दिवशी, पहिल्या टप्प्याच्या अभ्यास-सामग्रीवर १० गुणांची एक चाचणी परीक्षा घेतली जाणार आहे. ही चाचणी देण्याचा कालावधी दुसऱ्या दिवशी संपेल, अर्थात ही चाचणी दोन दिवसांच्या कालावधीतच द्यायची आहे. अशाप्रकारे प्रत्येक चार टप्प्यांच्या शेवटच्या दिवशी एकूण चार चाचणी परीक्षा घेतल्या जाणार आहेत. या चार चाचणी परीक्षांमध्ये मिळणाऱ्या एकूण गुणांच्या २५ टक्के गुण अंतिम परीक्षेच्या गुणांमध्ये धरले जाणार आहेत.
  • चौथी चाचणी परीक्षा संपल्यानंतर लगेच अंतिम परीक्षा घेतली जाणार आहे. अंतिम परीक्षा देण्यासाठी १० दिवसांचा कालावधी दिला आहे. अंतिम परीक्षा दोन खंडांमध्ये आहे. एक खंड ४० गुणांचा आणि दुसरा खंड ५० गुणांचा आहे. या दोनही परीक्षा प्रत्येकी ७५ मिनिटे कालावधीच्या असून विद्यार्थी त्या परीक्षा आपल्या सोयीनुसार केव्हाही परंतु पहिला खंड आणि नंतर दुसरा खंड या क्रमाने देतील. मात्र, विद्यार्थ्याने लॉगिन करून एकदा का प्रश्नपत्रिका उघडली, की ती ७५ मिनिटांच्या कालावधीत पूर्ण करणे बंधनकारक आहे.
  • चाचणी आणि अंतिम परीक्षा देताना विद्यार्थ्याने ती स्वतः द्यायची आहे; कोणत्याही अन्य व्यक्तिची मदत घेऊ नये.
  • संपूर्ण परीक्षेचे मूल्यमापन संगणक-प्रणालिंच्या सहाय्याने होणार आहे.
  • प्रत्येक परीक्षेला बसलेल्या एकूण विद्यार्थ्यांमधून गुणांच्या अग्रक्रमाने असलेल्या पहिल्या दोन टक्के विद्यार्थ्यांची ऑनलाईन मुलाखत घेतली जाणार आहे. मुलाखतीसाठी निवड झालेल्या विद्यार्थ्यांची नावे संकेतस्थळावरून जाहीर करण्यात येतील आणि त्यांना संकेतस्थळावरून मुलाखतीसंदर्भातील योग्य त्या सूचना दिल्या जातील. मुलाखतीनंतर गुणानुक्रमे पहिल्या पाच विद्यार्थ्यांची पारितोषिकासाठी निवड केली जाणार आहे. यामध्ये निवड समितीचा निर्णय अंतिम राहील.
  • मुलाखतीच्या ह्या निवडप्रक्रियेतून राहिलेल्या विद्यार्थ्यांना उत्तेजनार्थ बक्षिस दिले जाईल. पारितोषिके आणि बक्षिसे ही रोख रक्कम स्वरुपात न देता विज्ञानातील रुची वाढविणाऱ्या वस्तुरुपात असणार आहेत.
  • परीक्षेला बसणाऱ्या प्रत्येक विद्यार्थ्याला परीक्षाप्रक्रिया सुरू झाल्यापासून एक वर्षभर मराठी विज्ञान परिषद ई-पत्रिका मिळेल. त्याचप्रमाणे पन्नास टक्क्याहून अधिक गुण मिळविणाऱ्या प्रत्येक विद्यार्थ्यांला मराठी विज्ञान परिषदेकडून विज्ञानविषयक भरपूर माहिती मिळणार आहे आणि परिषदेच्या सर्व उपक्रमात विशेष सवलतही मिळणार आहे.